دائىما باشقىلىرى ئۈچۈن يىغلاپ تۇرما. بىر بۇلۇڭدا ئولتۇرۇپ، بىراز ھەم ئۆزۈڭ ئۈچۈن يىغلا.
— جالالىدىن رۇمى

بىراۋلارنىڭ بىچارىلىكىگە ئېچىندىڭ، كاشكى، ئۆزۈڭنىڭ ھەقىقىي بىچارىلىكىڭنى بىلسەڭ ئىدىڭ، جېنىم. قىممەتلىك نەرسىلەر ئۈچۈن بەدەل تۆلەۋاتقانلار ئۈچۈن ئۆرتەندىڭ، كاشكى، ئەرزىمەس نەرسىلەر ئۈچۈن ئۆمرۈڭنى خورىتىۋاتقانلىقىڭنى بىلسەڭ ئىدىڭ، جېنىم. ياخشىلار كۆرۈۋاتقان ئېغىر كۈنلەرگە قاراپ خۇرسىنىپ كەتتىڭ، كاشكى، «ياخشى ئاقىۋەت — ياخشىلار ئۈچۈن» دېگەن ھەق ۋەدىسىنى چۈشەنسەڭ ئىدىڭ، جېنىم. ئۇلارنىڭ تېشىغا قاراپ ھەسرەتلەندىڭ، كاشكى، راھەت ئىچىدىكى قەلبىنى كۆرەلىسەڭ ئىدىڭ، جېنىم.

2016-يىل 5-ئاينىڭ 29-كۈنى