«ئاياسوفيانىڭ سىرتىدا ناماز ئوقۇپ بۇنچىلىك ھوزۇرلىنىدىغانلىقىمنى ئويلىمىغانىكەنمەن»
— دوكتور ئىھسان شەنئوجاق
جۈمە كۈنىدىكى ئاياسوفيا ئېچىلىش خاتىرىسى ھەققىدە توختالغان دوكتور ئىھسان شەنئوجاق غوجانىڭ شۇ سۆزلىرى يۈرىكىمگە تەگدى: ئاياسوفيانىڭ سىرتىدا ناماز ئوقۇپ بۇنچىلىك ھوزۇرلىنىدىغانلىقىمنى ئويلىمىغانىكەنمەن. سائەت ئونلاردا ئاياسوفياغا يېتىپ بېرىپ، جامى ئەتراپىدا تۈركىيەنىڭ يىراق شەھەرلىرىدىن، ھەتتا گېرمانىيە قاتارلىق ياۋروپا دۆلەتلىرىدىن تۈنۆگۈن كەچ كېلىپ، مەيداندا تۈنىگەن ياشلار توپىنى كۆردۈم. جۈمەدە تۆت مۇناردىن چىقىدىن ئەزاننى يىراقتىن كېلىدىغان ئاتىسىنى كۈتكەندەك زارىقىپ كۈتىۋاتقان بۇ ياشلارنىڭ كۆزلىرىدە ئۇيقۇسىزلىقتىن ئەسەر يوق، لىققىدە ھاياجان بار ئىدى. يوللار مەسجىدكە كېلىۋاتقان كىشىلەرگە تولغانىدى. ئەگەر شۇ كۈنى ئاياسوفيا ھاياجىنىدا مەسجىدكە ماڭغىنىمدا كوچىلار بوش بولسا، ئۇدۇل قۇرۇق جامىغا كىرىپ ئولتۇرالىغان بولسام، بۇ ئىش بىر ئۆمۈر يۈرىكىمنى ئازابلاركەنتۇق. سىرتتا ئولتۇرۇپ تۈمەنلىگەن ئويغاق ئىمان ئىگىلىرىنى، ئۈممەتنىڭ كەلگۈسى ئۈمىدىنى كۆرۈش ئىمكانىيىتىگە ئىگە قىلغان رەببىمگە مىڭلاپ شۈكۈرلەر بولسۇن!مەيداندا شەرقىي تۈركىستانلىق ياشلارمۇ بار ئىدى. 86 يىل كېيىن ئەزاننىڭ قايتا ئوقۇلۇشى ئۇلارغا ئۈمىد ئاتا قىلاتتى. ئۇلارغا شۇنداق دەيتتى: 86 يىل كېيىن مۇسۇلمانلار قانداق ئاللاھۇ ئەكبەر دېگەن بولسا، سىلەرمۇ سۆيگۈڭلارنى، مەيدانىڭلارنى، ساداقىتىڭلارنى يوقاتمىساڭلار، مەلۇم ۋاقىتتىن كېيىن ئاللاھنىڭ تەقدىر قىلغان زامانى كېلىدۇ، قەشقەردە، خوتەندە، ئۈرۈمچىدە تۈركىستاننىڭ چېقىلغان مەسجىدلىرىنى يېڭىدىن سالىسىلەر، ئۇ مەھەللىلەردە، ئۇ تاغلاردا، ئۇ مۇنارلاردا (لەنىتى) بېيجىڭغا «ئاللاھۇ ئەكبەر!» دەيسىلەر!
مۇناسىۋەتلىك سىن:
يېقىنقى ئىنكاسلار