بوغۇلۇش

مەن دولقۇنلۇق دېڭىزنىڭ باغرىدا.
بىر يۇتۇم سۇ نەپسىمنى بوغۇشقا يېتەر.
پۇت- قوللىرىمدا مادار قالمىغان دەقىقە،
كۆزلىرىم كۆكتە، قەلبىم رەبتە،
پۈتۈن ئەس- يادىم بىر سەجدە مىقدارى ھايات ئىستەر.
ئازادە مىنۇتلاردا تومۇر- تومۇرلىرىمدا غەۋغا كۆتۈرۈشكەن شەيتانلار،
ئۇتۇقلىرىمغا چاۋاك چالغان ئىنسانلار
ئەزەلدىن ھاياتىمدا بولۇپ باقمىغان كەبى خوش دېمەي كېتەر.
تاتلىق تۇيۇلغان ھاياتنىڭ ئەسلى يۈزى لېۋىمدىكى دېڭىز تۇزىدىنمۇ
ئاچچىق ھەم بەتتەر.

2014- يىل 2- سىنتەبىر

جاۋاب يېزىش

ئېلېكتىرونلۇق خەت ئادرېسىڭىز ئاشكارىلانمايدۇ.