ھۇۋلايدۇ ھەسرەتلەر، ھۇۋلايدۇ بۇ قىش،
ئۇنۇتتۇڭ سەن بەلكىم باھار رەڭگىنى.
ئۆچۈردى زىمىستان گۈلگۈن يۈزلەردىن،
شاتلىقنى، بەخىتنى، نۇرنى، ھەممىنى.
ئۆچۈشنى قەستلەيدۇ قەلبىمدىكى ئوت،
ھېچ نىسىب بولمىدى چىھرىڭگە بېقىش.
شىۋىرغان ئىچىدە تىترەيمەن دىر– دىر،
كۆزۈمدە لىق تۇمان، دىلدا ئەندىكىش.
زۇلمەتتە نىشانسىز يۈرىمەن گۈلۈم،
ئايىغىم ئاستىدا غاچىلدايدۇ قار.
سۈبھىدە ھىدىڭنى ئەپ كەلسە سابا،
يوقىلىپ زىمىستان كېلەرمۇ باھار؟
2016– يىل يانۋار
يېقىنقى ئىنكاسلار