رامىزانلىق بەش تەۋسىيە

  1. پىلان تۈز. «پىلاندا مەغلۇب بولغىنىڭ، مەغلۇبىيەتنى پىلانلىغىنىڭدۇر» دېگەن گەپ بار. رامىزاندا قىلىدىغان ئىشلارنى پىلانلاپ، پىلانىڭىنى ئەمەلگە ئاشۇرۇشقا ھەرىكەت قىل. مەسىلەن: «قۇرئاننى مانچە قېتىم ئوقۇيمەن» دېگەن پىلاننى تۈزگىن، ھەم ھەر كۈنى شۇ پىلاندىكى بەتلەرنى ئوقۇپ تۈگىتىشكە ھەرىكەت قىلغىن.
  2. ۋاقتىڭنى باشقۇر. رامىزاندا قۇرۇق سۆز، بىھۇدە ئويۇن-تاماشادىن يىراق بولغىن، ئاممىۋى مېدىيا ۋاسىتىلىرى بىلەن زىيادە ۋاقىت ئۆتكۈزۈشتىن ساقلانغىن. ۋاقتىڭنى ناماز، قۇرئان، زىكىرلەر ئۆتكۈزۈشكە تىرىشقىن. بىكار بولساڭ «سۇبھانەللاھ، ئەلھەمدۇلىللاھ، ئاللاھۇ ئەكبەر» دېگەندەك ئۆزى يەڭگىل ئەمما تارازىغا ئېغىر ئولتۇرىدىغان زىكىرلەر بىلەن مەشغۇل بولغىن.
  3. ئىزچىللىققا ئادەتلەنگىن. «ئەمەللەرنىڭ ياخشىسى ئاز بولسىمۇ ئىزچىل داۋاملاشقىنىدۇر». رامىزاندا پەيغەمبىرىمىزنىڭ سۇننەتلىرىنى ئادىتىڭگە ئايلاندۇرغىن، ئۇنى رامىزاندىن كېيىنكى ئايلاردىمۇ داۋام قىلغىن.
  4. سورۇننى توغرا تاللىغىن. گۈل-گىياھلار ئۆسۈشى ئۈچۈن قۇياش نۇرى ۋە سۇغا مۇھتاج بولغىنىدەك، ئىماننىڭ پەرۋىشىمۇ ياخشىلارنىڭ سورۇنىغا مۇھتاج. شۇڭا، كۆپرەك ۋاقتىڭنى مەسجىدتە، ياخشى ئىنسانلار ئارىسىدا ئۆتكۈزۈشكە تىرىشقىن.
  5. ئۆزۈڭنى يۈكسەلت. ھەرگىز ئۆزۈڭنى سەل چاغلىما. ئۆزۈڭنىمۇ ھەيران قالدۇرىدىغان پەللىلەرگە يېتىش ئۈچۈن تىرىشقىن. ئاللاھنىڭ مەغپىرىتىگە، يېقىنلىقىغا ئېرىشكىن.

    (تۆۋەندىكى ۋىدىيودىن ئۆزلەشتۈرۈپ تەرجىمە قىلىندى)

جاۋاب يېزىش

ئېلېكتىرونلۇق خەت ئادرېسىڭىز ئاشكارىلانمايدۇ.