بىر مۆھتىرەم زات (نۇھ ئەلەيھىسسالام) ئاللاھنىڭ ئەمرى بىلەن كېمە ياساۋاتاتتى. ئەتراپىدىكىلەر بولسا ئۇنى مەسخىرە قىلىشىپ كۈلۈشەتتى. ئاللاھنى تونۇشتىن ئۇزاقتا قالغانلارنىڭ ئارىسىدا ياشاۋاتقان بىرى بولسىڭىز، ئەتراپىڭىزدىكىلەر ھاراق ئىچمىگەنلىكىڭىزدىن كۈلۈشۈۋاتامدۇ؟

سىز كېمىڭىزنى ياساۋاتىسىز.

زىنادىن ئۆزىڭىزنى قاچۇرغىنىڭىزدىن كۈلۈشۈۋاتامدۇ؟

سىز كېمىڭىزنى ياساۋاتىسىز.

كىشىنىڭ ھەققىدىن قورققىنىڭىزدىن كۈلۈشۈۋاتامدۇ؟

سىز كېمىڭىزنى ياساۋاتىسىز.

ئۆسۈمدىن قېچىپ، قىيىنچىلىققا سەۋر قىلىپ ياشاۋاتقىنىڭىزدىن كۈلۈشىۋاتامدۇ؟

سىز كېمىڭىزنى ياساۋاتىسىز.

جاھاننى غەرق قىلىدىغان كەلكۈننىڭ بىر كۈنى كېلىدىغانلىقىنى نۇھ ئەلەيھىسسالام بىلگىنىدەك، ئاللاھنىڭ ئەمرىگە ئاسىيلىق قىلغۇچىلارنى ھالاك قىلغۇچى ئازابنىڭ بىر كۈنى كېلىدىغانلىقىنى سىز بىلىسىز.

شۇڭا كېمىڭىزنى ياساۋاتىسىز.

ياساشنى داۋاملاشتۇرۇڭ. يېقىنلىرىڭىزنى كېلەچەكتە كېلىدىغان «كەلكۈن»دىن ئاگاھلاندۇرۇڭ. ئاللاھ خالىسا ئۇلارمۇ كېمە ياساشقا تۇتۇنىدۇ، ياكى نۇھ ئەلەيھىسسالامنىڭ ئوغلىدەك «تاغقا چىقىۋالىمەن» دەپ خىياللىرىغا ئالدىنىپ قالىدۇ.

كۈلكە، مەسخىرىلەرگە پىسەنت قىلماڭ.

كېمىڭىزنى ياساۋاتىسىز…