قوياشقا مەكتۈب

ئىللىق نۇرۇڭ سۆيدى يۈزۈمنى،
يىگانە قوياش.
ھاياجاندا تىترىدى يۈرەك،
كۆزلىرىمدە ياش.
سەنلا پاكسەن قەلبىمدە پەقەت،
زەمزەمگە ئوخشاش.
بىلگىن، ئۆلۈم، مەن ئۈچۈن قوياش،
سېنىڭسىز ياشاش.
سەنمۇ تەنھا، مەنمۇ ھەم شۇنداق،
يوق بىزگە قاياش.
خالىساڭ گەر بولايلى،
ئۆمۈرلۈك مۇڭداش.
ھارارىتىڭ كۈل قىلسا مەيلى جىسمىمنى،
ھەددىم ئەمەس سېنىڭدىن،
جېنىمنى ئاياش!

جاۋاب يېزىش

ئېلېكتىرونلۇق خەت ئادرېسىڭىز ئاشكارىلانمايدۇ.