قىش

باسماقتا قاپقارا تەشۋىشلەر مېنى،
ئازابنىڭ قوينىدا تۇنجۇقۇپ قايتا،
ھىجرانلىق ساھىلدىن ئىزلەيمەن سېنى.
يامغۇرلۇق كېچە.
سۆيىۋالدىم ئاينى چوككىدە،
(چالا ئۇيقۇ كۆرگەن چۈشۈمدە).
ئويغانغاندا بېسىۋالدى قار.
قاپقارا قار ئۆگزەمنى ئاستا،
كۈتمەكتىمەن سېنى تىمتاستا.
ئەبجەق دەرىزەم،
توسالمايدۇ سوغۇقنى ئەسلا.
قايسى بىر قىز سۆيگۈمگە تەشنا،
سوزۇپ تۇرار شاللاق لېۋىنى.
ئاچكۆز چاشقان، لەنىتى چاشقان،
غاجىماقتا تامنىڭ تۈۋىنى.
گۈپلا قىلىپ يىقىلسا بۇ تام،
خۇرسىنىشلار نەقەدەر بەتتام.
توڭۇپ كەتتىم، سوۋۇپ كەتتى پار،
يۈرىكىمدە ئىسسىناي دېسەم،
ئەيمىنىمەن، ئۇنىڭدا سەن بار.

جاۋاب يېزىش

ئېلېكتىرونلۇق خەت ئادرېسىڭىز ئاشكارىلانمايدۇ.