بەختىمىز ئۈچۈن

مۇمكىن ئەمەس،
چۈشلىرىمگە كىرىش بىلەنلا،
يۈرىكىمنى ئۈگىتىۋېلىش.
مۇمكىن ئەمەس،
شېئىر يېزىپلا،
جىمى دەرتنى تۈگىتىۋېلىش.
بەلكىم،
جېنىم بىلەن تەڭلا،
چىقارسەن بىركۈن
يۈرىكىمدىن.
ساڭا كۆڭۈل بەردىم ئېھتىمال،
رەزىللىكىمدىن.
ياق، ياق، ياق،
تامامەن مۇمكىن
بولۇشى مۇمكىن،
سېنى ئۇنتۇشۇم.
لېكىن،
چىدىمايدۇ سېنى قىيناشقا،
كۆزۈڭ ياشلاشقا،
مېنىڭ يۈرىكىم.
مۇھەببەت-
بىر تۈرلۈك مەسئۇلىيەت،
يىگىتلەر ئۈچۈن.
شېئىرىمنى كۆيدۈرىۋېتەي،
بەختىمىز ئۈچۈن…

جاۋاب يېزىش

ئېلېكتىرونلۇق خەت ئادرېسىڭىز ئاشكارىلانمايدۇ.